Rezultatet paraprake të zgjedhjeve presidenciale në Haiti sugjerojnë fitues do të shpallet muzikanti Micheal Martelly, i njohur ndryshe si “Sweet Micky”.
Me shumicën e votave të zgjedhjeve të 20 marsit të numëruara, ai ka një kryesim të thellë ndaj ish-Zonjës së Parë dhe senatores haitiane, Mirlande Manigat, lajmëruan agjensitë ndërkombëtare të lajmeve.
Pjesëmarrja në zgjedhje ishte tepër e lartë dhe procesi i votimit paqësor, ndonëse të dy kandidatët kanë akuzuar njëri-tjetrin për vjedhje.
Haiti është përfshirë nga një proces i dhimbshëm dhe i gjatë rindërtimi pas tërmetit shkatërrimtar të janarit 2010, ndërsa epidemia e kolerës në vend është duke shkaktuar shumë vdekje.
Disa qindra mijëra të pastrehë jetojnë ende në kushte mizerabël dhe të varur krejtësisht nga ndihmat e huaja, në “qytetet” e tendave të improvizuara në kryeqytetin e shkatërruar, Port au Prince.
Top Channel
