Seedorf: Derbi është vendimtar

Ndonëse dy drejtuesit më të lartë të klubit, Berlusconi dhe Galliani deklaruan se rezultati i ndeshjes nuk do të jetë vendimtar, Seedorf theksoi: “Unë jam i bindur se ky derbi do të jetë përcaktues.

Në nivelin psikologjik është jashtëzakonisht i rëndësishëm dhe kush thotë të kundërtën është një gënjeshtar. Nuk po i përgjigjem deklaratave të asnjërit, por po them vetëm atë që ndodh gjithmonë”.

Megjithatë, duke i dalë të keqes përpara, Seedorf shtoi: “Ne jemi profesionistë dhe edhe nëse humbim nuk do të jetë fundi i botës. Një pikë është e rikuperueshme, por secili futbollist i Milanit apo Interit nuk do të dojë të kthehet në shtëpi duarbosh”,

Duke u përqendruar tek niveli i Interit, holandezi deklaroi: “Janë një skuadër shumë e fortë dhe kampionët në fuqi, prandaj na takon neve që këtë vit të tregojmë se e meritojmë ne të fitojmë titullin në këtë sezon”.

Top Channel