Kinë, inflacioni vendoset nën kontroll
11/03/2011 08:40
Përmbytje apokaliptike në Brazil/ Shembet diga, dhjetëra të vdekur! 500 mijë persona pa energji elektrike 03/05 18:50
Inflacioni në Kinë u stabilizua gjatë muajit shkurt, si rrjedhojë e masave të qeverisë dhe bankës qëndrore.
Autoritetet lajmëruan se inflacioni i muajit shkurt ishte i nivelit 4,7%, por më shumë se vetë shifra, i rëndësishëm është fakti që inflacioni është vendosur nën kontroll pas disa muajsh rritje të vazhdueshme.
Inflacioni i muajit janar ishte në nivelin 4,9%. Sipas ekspertëve, Pekini zyrtar po përpiqet të adoptojë një normë relativisht të lartë inflacioni, por të qëndrueshme, në mënyrë që të krijojë stabilitet, pa dëmtuar rritjen ekonomike.
Shtetet e Bashkuara të Amerikës dhe vendet e Europës perëndimore kanë shprehur vazhdimisht shqetësimin e tyre për zhvlerësimin e vazhdueshëm të monedhës juan, faktor që favorizon ndjeshëm eksportet kineze.
Top Channel
