LSI mbron Metën dhe Nanon
19/02/2011 12:55
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Lëvizja Socialiste për Integrim i ka përsëritur sot apelin e saj Partisë Socialiste, që të ulet në dialog dhe të heqë dorë nga politika e rrugës.
“Zgjidhja të arrihet me dialog politik dhe jo në rrugë. Veprimet e Ramës dhe grupit të tij janë në kundërshtim me rekomandimet e ndërkombëtarëve”, ka deklaruar sekretari i përgjithshëm i LSI-së, Luan Rama.
Rama u është përgjigjur edhe akuzave të bëra dje nga kreu i PS ndaj ish-lidershipit socialist, duke nënvizuar se mes tyre ka një ndryshim të madh.
“Sulmet e kreut të PS ndaj Metës dhe Nanos janë shenjë inferioriteti. Me Nanon dhe Metën PS qëndroi 8 vjet në pushtet. Ndërsa sot me Ramën, PS është në rrugë dhe pa identitet”, ka pohuar Rama.
Sekretari i përgjithshëm i Lëvizjes Socialiste për Integrim ka shtuar më tej se kjo parti po përgatitet për zgjedhjet lokale të 8 majit, sic kanë rekomanduar edhe ndërkombëtarët.
Top Channel
