Minxhozi: SHBA kanë ndryshuar qëndrim
10/02/2011 21:40
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Për analistin Skënder Minxhozi, qëndrimi i SHBA ndaj Shqipërisë ka pësuar një ndryshim të vogël që është reflektuar nga ambasadorët e tyre në Tiranë, John Withers dhe Alexander Arvizu.
“Linja e Withers dhe ajo e Arvizu ka pak ndryshim. Ka një ndryshim qëndrimi, i cili sado i vogël përkon me zhvillimet politike në Shqipëri”, ka deklaruar Minxhozi.
Duke folur në emisionin “Top Story” në Top Channel, Minxhozi është shprehur se ndryshimi ka ardhur si pasojë e ngjarjeve të fundit të ndodhura në vend.
“Dështimi i votimit të komisionit hetimor vitin e kaluar dhe ngjarja e 21 janarit, ku pati dhunë e të vrarë dhe kur Shqipëria u fut në listën e vendeve në krizë. I gjithë ky qëndrim ka të bëjë me këto piketa dhe spostim të politikës shqiptare, që mund të shkojë në dështim”, ka pohuar Minxhozi.
Sipas tij, as ardhja e zëvendës-ndihmës sekretarit të Shtetit, Thommas Countryman në Tiranë nuk ndryshoi gjë.
“Nëse do flisnim për rezultatet e vizitës Countryman, ato do të ishin një zënie me grushta në Parlament, dy padi në prokurori dhe një përjashtim i 3 deputetëve”, ka shtuar Minxhozi.
Top Channel
