21 janari, Ndoka në prokurori
07/02/2011 16:15
Artizani që nuk pushon kurrë! Josif Muça 82 vjeç, ende bën punime druri: Puna është jetë!
13/04 12:45
Kryetari i Partisë Demokristiane, Nard Ndoka dha shpjegimet e tij në prokurorinë e Tiranës për llogari të hetimeve të nisura pas njërës prej dosjeve të dorëzuara nga policia e Tiranës për thirrje publike për dhunë, në demonstratën e 21 janarit.
Referuar një shkrimi në një të përditshme, ku zoti Ndoka ftonte njerëzit të protestonin, policia ka depozituar këtë artikull si material shtesë mbi opsionin e saj, ndersa zoti Ndoka e konsideron veprimin e policisë si demagogji.
“Denoncimi i policisë nuk ishte profesional, ishte i një natyre politike. Është për të ardhur keq që Policia e Shtetit është kthyer në një seksion të PD, duke numëruar protestuesit”, ka deklaruar Ndoka.
Më herët prokurorët kishin thirrur për një tjetër cështje nën hetim, atë për tubimin e paligjshëm, edhe deputetët Tom Doshi dhe Paulin Sterkaj, të cilët pritet të rikthehen në prokurori këtë të hënë apo një nga ditët e javës.
I thirrur nga prokuroria për rrjedhën që mori demonstrata e 21 janarit është edhe ish-drejtuesi i Policisë së Tiranës, Pjerin Ndreu.
Top Channel
