Tajlandë, përfundon gjendja e jashtëzakonshme
21/12/2010 12:35
Bashkimi Evropian ndalon katër media ruse 17/05 22:21
Qeveria e Tajlandës deklaroi në mesditë se ka vendosur të anullojë gjendjen e jashtëzakonshme, të hyrë në fuqi tetë muaj më pare, si rezultat i protestave të dhunshme antiqeveritare.
Në situatën e re në vend, Bangkoku zyrtar mendon se një ligj për sigurinë, i cili ndalon grumbullimet, do të jetë i mjaftueshëm për të siguruar qetësinë në vend. “Kabineti shqyrtoi situatën aktuale dhe arriti në përfundimin se protestat janë më civile, paqësore dhe të ligjshme”, tha Supachai Jaisamut, një zëdhës i kabinetit.
Gjendja e emergjencës u deklarua në Bangkok dhe provincat përreth në 7 prill, pasi demonstruesit pushtuan zemrën tregëtare të qytetit dhe depërtuan deri në rrethimin e brendshëm të parlamentit.
Në total, 91 persona humbën jetën gjatë protestave dhe 1 800 të tjerë u plagosën, në protestat më të fuqishme në vend të epokës moderne. Heqja e gjendjes së jashtëzakonshme dhe largimi i ushtrisë prej rrugëve do të hyjë në fuqi duke nisur nga dita e mërkurë.
Top Channel
