Bjellorusi, presidenit neglizhon kritikat
21/12/2010 03:00
Aksident tragjik në Turqi/ Autobusi del nga rruga dhe përmbyset, katër të vdekur dhe 15 të plagosur 03/05 19:09
Presidenti bjellorus, Aleksandër Lukashenko iu përgjigj ftohtë kritikave ndërkombëtare për ushtrim dhune ndaj protestuesve pas zgjedhjeve presidenciale të së dielës.
Konferencën e shtypit në Minsk, njeriu që përshkruhet nga mediat si diktatori i fundit i Europës, e shfrytëzoi për të lavdëruar punën e forcave të sigurisë që sipas tij i vunë fre vandalizmit nëpër rrugë.
“Në Bjellorusi nuk ka për të patur revolucion apo kriminalitet. Quajeni si të doni. Këtu prioritetin absolut e ka siguria e popullit, rendi dhe qetësia. Këto janë gjërat që kërkon populli bjellorus kur shkon të votojë për të zgjedhur presidentin e tij”, tha presidenti Lukashenko.
Më shumë se 600 protestues u arrestuan në protestat pas votimit të së dielës, ku sipas Komisionit Zgjedhor Lukashenko fitoi me 79 përqind, në një proces që u kritikua nga OSBE e organizma të tjerë monitorues.
Top Channel
Top News – U ekzekutuan në oborrin e shkollës / Kosova përkujton masakrën e Bukoshit 27 vite më parë
Top News – Revolucion kinez me makinat elektrike. Shkencëtarët zbulojnë formulën e baterive me hekur
