Topi në samitin e Kazakistanit
01/12/2010 16:00
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Presidenti i Republikës Bamir Topi ndodhet në Astana të Kazakistanit, për të marrë pjesë në samitin e shefave të shteteve dhe të qeverive të OSBE-së.
Në kuadër të kësaj vizite, ai ka pasur një takim me presidentin turk Abdullah Gyl, me të cilin, sic njofton zyra e shtypit e Presidencës, ka zhvilluar një bisedë të ngrohtë e vëllazërore. Më pas Presidenti Bamir Topi është pritur nga Presidenti i Kazakistanit, Nursultan Nazarbajev.
Në këtë takim ka qenë i pranishëm edhe Ministri i Punëve të Jashtme, Edmond Haxhinasto. Në këtë takim është folur për samitin, i cili është vlerësuar nga Presidenti Topi si një veprimtaritë më të rëndësishme të OSBE-së në 11 vitet e fundit.
Kreu i shtetit e ka vlerësuar samitin si një “shprehje të mirëbesimit të rritur në hapësirën transatlantike, që ka potencial të jashtëzakonshëm për të rigjallëruar rolin e OSBE-së në funksion të sigurisë së përbashkët”. Presidenti Topi ka pasur edhe një takim të ngrohtë e të përzemërt me disa përfaqësues të bashkësisë shqiptare, që punon dhe jeton prej vitesh në Kazakistan.
Top Channel
