Barnat, PS sërish akuza Vasilit
01/12/2010 18:10
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Partia Socialiste denoncoi hartimin e listës së barnave spitalore, që sipas selisë rozë është hartuar nga firma famaceutike e Rrasim Hamzarait, djali i dajës i ministrit Petrit Vasili.
Kjo listë barnash, sipas deputetit Eltar Deda, është kundërshtuar nga specialistët e QSUT-së.
“Pra, Petrit Vasili kërkonte të vendoste listën e barnave mjekësore të hartuar nga djali i dajës së tij. Dhe meqenëse kjo listë ishte e papranueshme nga përgjegjësja e farmacisë së QSUT, këta zotërinj e shkarkojnë nga detyra, pikërisht për këtë arsye”, ka deklaruar Deda.
Sipas tij, zyrtarja e shkarkuar është zëvendësuar me një individ të dyshimtë për lidhje mafioze.
“A e dini me kë u zëvendësua? Me Fatos Muhon, ortakun e Rrasim Hamzarajt në kompaninë e lojërave të fatit “Star Bet”, ku sic e dinë të gjithë, ortak ishte edhe bosi i Sacra Corona Unita, miku i ministres Bregu, Albino Prudentino. Ja pra, shëndeti i shumicës së shqiptarëve luhet në lojërat e fatit të administruara nga Petriti i Ilirit”, ka shtuar Deda.
Top Channel
