Pasuritë e Prudentinos, sekuestro aktivitetit

05/10/2010 15:10

Paralelisht me Prokurorine e Vlores, dy prokurore të Krimeve të Rënda në kryeqytet nisin hetimin pasuror mbi bizneset e Albino Prudentinos duke u fokusuar vecanerisht tek verifikimet nese italiani ka celur apo jo llogari bankare ne Shqipëri.

Prokuroret u treguan teper te rezervuar per te dhene detaje se cfare eshte identifikuar deri tani, per shkak se ende nuk kane marre pergjigje nga bankat. Por nga ana tjeter, pjestare Task Force ne Vlore, te cilet po e hetojne 59-vjecarin per pastrim parash, pas njoftimit zyrtar te publikuar nga Prokuroria e Pergjithshme ku thuhej se jane sekuestruar dy prona te Albino Prudentinos, saktesojne se nuk behet fjale per prona te sekuestruara, por per dy vendime qe sekuestrojne bizneset te cilat ushtroheshin ne mjedise te marra me qira.

Konkretisht ne pasticerine e sekuestruar ne Vlore, ‘Gelateria Piaza Italia’, nuk eshte sekuestruar prona, pra objekti, por aktiviteti. Ose thene ndryshe sendet qe perdoreshin nga italiani per t’i sjelle te ardhura. Edhe ne resortin ‘Muza’ ne Mullet te Tiranes nuk eshte sekuestruar prona, pra kjo ndertese, por disa objekte brenda saj si pershembull tre televizore dhe disa sende te tjera. Nje dite me pare pjesetare te grupit hetimor ne Vlore pohuan se ne kete qytet Albino Prudentinos nuk i jane zbuluar prona, si ndertesa apo objekte te paluajtshme, por vetem biznes qe ushtrohej në objekte te marra me qira. Nderkohe prokuroret nuk kane perfunduar ende verifikimet ne Tirane, pasi perflitet qe ne kryeqytet, italiani zoteronte tre agjensi bastesh.

Top Channel