Kasat, shteti financon privatët?!

Por nuk zgjodhi këtë alternativë, por një metodë alla shqiptare, sic edhe zoti Bode, ministër i Financave e konsideroi kur u pyet nga Top Channel nëse duhej subvencionuar cmimi.

Por zoti Bode e dha këtë përgjigje përpara se të fliste kryeministri Berisha, i cili vendosi që pagesa për kasat do t’i zbriten biznesit nga detyrimet e tij vjetore.

Kjo skemë e qeverisë, që në pamje të parë duket si ndihme per biznesin, nuk është gjë tjetër vecse një manovër financiare për t’i mbajtur të paprekura të ardhurat e dy kompanive që shesin aktualisht kasat.

Kjo, pasi paratë e kompensimit do t’i mungojnë buxhetit dhe do të shkojnë si cmim shitjeje në buxhetin e dy komponive. Një formë subvencioni indirekt që favorizon në mënyrë klienteliste vetëm dy biznese.

Nga ana tjetër, edhe pse kostoja totale që do të paguajë buxheti mbetet ende e paqartë, qeveria po përcjell sërish në publik mesazhin e një shteti të padrejtë dhe pabarabartë me të gjithë, cka ngre edhe disa pikëpyetje të tjera.

Nëse cmimi i kasave, ashtu sikurse pretendon Ministria e Financave, është real dhe i paspekuluar, pse duhet që kostoja e tyre të paguhet nga buxheti?

Pse të njëtat fonde të mos përdoreshin për të ndihmuar më shumë shtresat në nevojë, apo për të rritur investimet e rëna këtë vit në nivelet më të ulëta?

Më keq akoma nëse vërtetohet, sikundër akuzon opozita, se cmimi i kasave përmban brenda kosto korrupsioni, atëherë skema e qeverisë është edhe më e rëndë sepse përdor paratë e taksave për të paguar faturën e korrupsionit që vjen nga korridoret e zyrtarëve.

Në të dyja rastet, skema subvencionuese e propozuar favorizon bizneset e kasave, ose xhepat e ndokujt pranë pushtetit.

Liberalizimi i tregut është e vetmja mënyrë për të certifikuar procesin e vendosjes së kasave si të drejtë dhe të barabartë për të gjithë.

Top Channel