Komisioni i Ligjeve, debat për pasaportat
28/09/2010 10:10
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Një sërë debatesh janë regjistruar sot në Komisionin parlamentar të Ligjeve, ku është diskutuar cështja e pasaportave dhe kartave biometrike.
Ministri i Brendshëm Lulzim Basha ka deklaruar se ligji për këto dokumente nuk sjell të reja, por vetëm përshtatje të terminologjisë.
Por këtu ministri ka hasur reagimin e PS, e cila tha se ka konstatuar një sërë abuzimesh me procesin e përgatitjes së pasaportave dhe kartave të identitetit, të cilat kanë ndikuar sipas saj në procesin zgjedhor të 28 qershorit.
“Janë vërejtur raste korruptive me pasaportat dhe kartat e identitetit. Rastet e konstatuara datojnë më 28 qershor”, ka deklaruar deputeti Sajmir Tahiri.
Por Basha nga ana e tij nuk ka hezituar t’i cilësojë konstatimet e opozitës si “të pavenda”.
“Konstatimet e opozitës janë dashakeqe, pasi ndërkombëtarët na kanë vlerësuar. Nëse keni fakte për korrupsion, atëherë paraqitini tek Ministria e Brendshme”, ka deklaruar Basha.
Top Channel
