E ëma i flak tutje robotët, 30 vjeçari i vë zjarrin shtëpisë
26/08/2010 15:55
I vë flakën shtëpisë sepse e ëma i hodhi robotët. Ngjarja aspak e zakontë ka ndodhur në pjesën perëndimore të ishullit Kasai në Japoni.
Nuk bëhet fjalë për një bebe-piroman, por për një 30-vjeçar i cili u tërbua pasi e ëma i kishte flakur tutje rreth 300 robotë Gundam në miniaturë.
Autori tashmë do të përballet me akuzën e zjarrvënies me dashje dhe të agresivitetit ndaj familjarëve, akuzë kjo që mund t’i kushtojë disa vite burg.
“Robotët janë pjesë e trupit tim, e jetës sime, e shpirtit tim”, deklaroi 30-vjeçari para gjykatësit japonez.
Robotët Gundam janë protagonistë të një seriali vizatimor mjaft të famshëm në Japoninë e viteve ’70.
Top Channel