Buxheti i ri, 40 miliardë lekë më pak në ekonomi
22/06/2010 08:55
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Rishikimi i buxhetit 2010 dhe parametrat e rinj, vijon të jetë objektivi kryesor i Ministrisë së Financave, proces i nisur dy javë më parë dhe që pritet të konkretizohet në fillim të muajit korrik.
Burime nga ministria thonë për gazetën se po shikohet edhe varianti për ta reduktuar buxhetin e shtetit me rreth 40 miliardë lekë, ose 10 miliardë me shumë nga sa ishte planifikuar në fillim të vitit kur u publikua strategjia.
Duke parë ecurinë e deritanishme në mbledhjen e të ardhurave, qeveria do ta ketë të vështirë të menaxhojë një situatë të tillë planifikimi deri në fund të vitit, e për rrjedhojë shikohet mundësia e rishikimit të shifrave, duke prekur edhe nivelin e investimeve.
Të konfirmuar deri tani edhe nga ministri i Financave, niveli i ri i investimeve për pjesën e mbetur të vitit do të jetë rreth 25 miliardë lekë më pak, ku ministritë me buxhetin më të madh parashikohet të preken më shumë nga shkurtimet.
Ulja e shpenzimeve për investime do të jetë të paktën 20 për qind për çdo institucion, pa dallim nëse është i madh, i vogël, i rëndësishëm etj.
Deklarata e Kryeministrit pak kohë më parë ishte e qartë, ku thuhej se ulja e buxhetit vjen si veprim në përgjigje ndaj krizës ekonomike.
Top Channel
