Kukës, asnjë gjurmë nga vajza e zhdukur
09/06/2010 20:35
Forcat e policisë së Kukësit vijojnë kërkimet e vajzës së zhdukur Bleona Mataj. Që nga dita e hënë, në bashkëpunim me policinë kosovare po kontrollohet zona kufitare, por ende asnjë gjurmë nuk është gjetur.
Në lidhje me këtë ngjarje janë hapur hetime nga Prokuroria e Krimeve të Rënda dhe vajza është shpallur në kërkim ndërkombëtar.
Ndërkohë, policia po heton në dy pista, e para ajo e grabitjes nga trafikantët e organeve, apo për adoptim.
Hetimet për këto pista janë shtrirë edhe në Kosovë e Maqedoni dhe me anë të INTERPOL-it edhe në Greqi.
Top Channel