Shalsi: Transparenca kusht i domosdoshëm
16/05/2010 20:55
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Duke folur para mbështetësve në protestën e sotme të opozitës, deputeti socialist Eduard Shalsi u shpreh se opozita nuk heq dorë nga kërkesa e saj për transparencë të proçesit zgjedhor.
“Duam të nxjerrim njëherë e mirë Shqipërine nga bataku. Është koha të jemi bashkë për të mos lejuar një njeri të marrë peng të ardhmen e vendit. Nuk ka Shqipëri europiane e demokratike pa zgjedhje të lira e të ndershme. Kjo është arsyeja se pse ne nuk heqim dorë nga transparenca”, tha Shalsi.
Më tej deputeti Shalsi u shpreh se transparenca është kushti i panegociueshëm pasi sipas tij është një kusht i domosdoshëm për të patur një Shqipëri europiane dhe për t’u ndarë nga politika neveritëse.
“Kemi vendosur një kusht për negociata. Transparenca është një kusht i domosdoshëm për Shqipërinë europiane, që të ndahemi njëherë e mirë nga politika neveritëse për të patur një Shqipëri demokratike më të begatë”, përfundoi deputeti socialist.
Top Channel
