Studentët dhe të papunët francezë kanë gjetur mënyrën më perfekte se si të udhëtosh në transportin publik vendas pa paguar asnjë qindarkë.
Skema është mjaft e thjeshtë, të organizuar në grupe të ndryshme, ata formojnë arkën e tyre financiare duke derdhur mesatarisht në të rreth 7 euro në muaj. Arka më pas do të shërbejë si burim financiar për të paguar gjobat në rast se një pjesëtar kapet prej kontrollorëve në metrotë e kryeqytetit francez pa biletë.
Por mundësitë për t’u gjobitur si person pa biletë në transportin urban në Paris janë 1 në 1000 dhe pikërisht ky raport dhe kjo skemë “mashtrimi” i ka kushtuar kompanisë RATP, që menaxhon transportin në Paris, jo pak por rreth 80 milion euro brenda 1 viti.
Ideja në pamje të parë origjinale, nuk është aspak e tillë. E njëjta skemë përdorej prej financierit italian Lorenco de Tonti për të financuar luftërat e Luigjit të XIV në shekullin e XVII. Kjo metodë është praktikuar edhe prej shoqërive të punëtorëve pa mbrojtje sociale në shekullin e XIX.
Top Channel
