Topi vlerësoi diplomacinë kosovare
20/04/2010 20:40
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Ministri i Jashtëm i Kosovës, Skënder Hyseni u takua sot në Tiranë me autoritetet më të larta shqiptare.
Presidenti Bamir Topi vlerësoi maturinë e klasës politike kosovare në kapërcimin e sfidave per konsolidimin e institucioneve të pavarura demokratike, si dhe arritjet e deritanishme të diplomacisë së re kosovare, sidomos përsa i përket rritjes së numrit të njohjeve ndërkombëtare te Kosoves.
Në takimin me kryetaren e Kuvendit, Jozefina Topalli, ministri Hyseni tha se krahas ecurisë së njohjes së Kosovës, sfida më e madhe është anëtarësimi i saj në insitucionet ndërkombëtare, deri në anëtarësimin e plotë në OKB.
Ministri Hyseni u prit edhe nga kryeministri Berisha, të cilit i shprehu urimet më të ngrohta për dorëzimin e përgjigjeve të pyetësorit, duke e cilësuar këtë një ngjarje historike e madhore për Shqipërinë, por edhe për mbarë kombin shqiptar.
Po ashtu, ministri i Punëve të Jashtme të Kosovës e informoi kryeministrin e Shqipërisë edhe për fillimin e punimeve për rrugën Morinë-Merdare, pjesë e rrugës së kombit që kalon nëpër Kosovë.
Top Channel
