Spital, vizitat vetem me leje

Vizitoret, te cilet ecin me makina apo ne kembe ne ambientet e spitalit, “kontingjent” qe ben rremuje, krijon papasterti dhe shqeteson mbarevajtjen e punes.

Ne qendren spitalore do te behen vizita ne orare te percaktuara. Nderkohe qe per raste te vecanta, te afermit e pacienteve do te qendrojne ne territorin e spitalit vetem me leje te vecante nga mjeku apo infermieri.

Vendimi eshte marre dje nga drejtoria spitalore universitare, nderkohe qe paralelisht me kete udhezim eshte leshuar edhe nje tjeter “porosi” lidhet me vizitat. Nga sot nuk lejohet kryerja e vizitave dhe konsultave ambulatore ne ambientet spitalore me shtreter, si nga shefat e sherbimeve ashtu edhe nga personeli.

Menjehere pas ketyre dy urdhrave eshte bere mbyllja e gjashte portave ne godinat e spitaleve te ndryshme, ne menyre qe policia private te kete mundesi te kontrolloje hyre-daljet e vizitoreve.

Drejtoria e qendres spitalore universitare “Nene Tereza” ka nxjerre nje urdher te vecante, i cili ka te beje me rritjen e nivelit te sigurise ne ambientet spitalore.

Duke pasur parasysh numrin e madh te personave qe qarkullojne ne pavijone, drejtoria ka urdheruar sherbimet te ndertojne planin e qarkullimit te pacienteve dhe familjareve sipas orareve te percaktuara.

Drejtori i QSUT-se, Ilir Dashi, ka firmosur kete urdher, i cili eshte afishuar ne te gjitha hyrjet e pavijoneve.

“Me kete urdher parashikojme te ndalojme trafikun e madh te familjareve, te cilet shpeshhere zaptojne pavijonet, dhomat e te semureve. Keta persona do te lejohen te futen tek i semuri me orare te percaktuara, konkretisht cdo dite nga ora 17.00 deri ne 19.00 dhe diten e diel me nje orar paradite nga ora 10.00 deri ne 12.00.

Do te jete policia private ajo qe nuk do te lejoje qarkullimin e vizitoreve jashte ketyre orareve, nderkohe qe familjaret e kane te afishuar urdhrin ne deren e cdo pavijoni”, ka pohuar drejtori i QSUT-se, Ilir Dashi.

Urdhri parashikon te lejohen jashte ketyre orareve personat qe kane leje-hyrje te firmosur nga drejtuesi i sherbimit dhe kryeinfermieri. Pajisja me leje-hyrje per qendrimin jashte orareve te vizitoreve vlen edhe per rastet kur familjaret lejohen te qendrojne gjate gjithe 24-oreshit, si per shembull prinderit e femijeve te shtruar, por jo me shume se nje familjar i autorizuar.

“Nje tjeter mase shume e rendesishme qe ne kemi parashikuar te marrim eshte moslejimi i kryerjes se vizitave dhe konsultave ambulatore ne ambientet spitalore me shtreter, si nga shefat e sherbimeve ashtu edhe nga personeli. Konsultat ambulatore te kryhen vetem ne vendet dhe oraret e percaktuara, ashtu sic i parashikon sistemi i referimit”, ka pohuar Dashi. Per zbatimin e ketij urdhri eshte bere edhe mbyllja e 6 portave ne godinat e spitaleve te ndryshme, ne menyre qe policia private te kete mundesi te kontrolloje hyre-daljet e vizitoreve.

 

Top Channel