Deputetet anetare te Komisionit te Veprimtarise Prodhuese kane pritur dje per rreth 40 minuta perfaqesuesin e Ministrise se Puneve Publike dhe Transportit, per te diskutuar nen per nen projektligjin “Per planifikimin e territorit”.
I gjithe mundi shkoi kot, pasi zyrtari i ministrise jo vetem qe nuk erdhi, por as nuk i pergjigjej telefonit te kryetarit te komisionit, Jemin Gjana.
Gjate pritjes, Gjana me heret kishte filluar te fliste per ligjin e sapomiratuar te gjuetise, e me pas tokat bujqesore.
Ne keto kushte, kryetari i komisionit urdheroi nisjen e mbledhjes, per te degjuar relatoret e projektligjit, te cilet ishin deputetet Ardian Turku dhe Ardian Kollozi.
Sipas tyre, thelbi i projektligjit eshte krijimi i nje strukture te re, ne varesi te Kryeministrit, e cila do te nderhyje ne rastet e konstatimit te shkeljes se ligjit urbanistik apo te pamundesise se njesise vendore per te prishur nje ndertim pa leje.
Struktura e re quhet Keshilli Kombetar i Territorit (KKT) dhe eshte autoriteti pergjegjes, qe ka kompetence ekskluzive ne shqyrtimin perfundimtar te planeve zhvillimore (rregulluese/te planifikimit) te bashkive te kategorise se pare, ne territorin e vendit dhe miratimin e tyre.
Pas perfundimit te mbledhjes, deputeti i Elbasanit, Ardian Turku, me rastin e Dites se Veres, shperndau per koleget ballokume, te cilet nisen t’i hanin ende pa dale nga komisioni.
Sa i takon projektligjit, u la qe te miratohej ne mbledhjen e tjeter, ku duhet me patjeter te jete i pranishem perfaqesuesi i MPPTT-se.
Top Channel