“Energjia”, Brace: Nuk eshte kompensuar vjedhja e janarit

10/03/2010 15:40

Partia Socialiste ka akuzuar qeverine dhe OSSH-ne edhe per faturen e dyte te energjise elektrike per vitin 2010. Pas abuzimeve me faturen e pare ku konsumatoreve u ishte faturuar cmimi i rritur i energjise se janarit qe ne muajin dhjetor, socialistet duke ju referuar fatures se muajit shkurt kane theksuar se ne te nuk eshte perfshire kompensimi i parave te grabitura me pare.

“Sic ju kemi bere me dije me pare, kjo vjedhje e perllogaritur me rezerve, arrin ne 4 miliard leke te vjetra por ze gati 10-15% te vleres se faturuar ne muajin janar .20% te vleres se vjedhjes, pra 800 milion leke te vjetra, i ka marre Qeveria e Sali Berishes, ne formen e Tatimit mbi Vleren e Shtuar, aplikuar mbi cdo fature te shtuar me vjedhjen”, u shpreh deputeti socialist Erjon Brace.

Sipas tij, heshtja e kryeministrit per kete skandal tregon se gjithcka eshte kryer me miratimin e tij. Rritja e cmimit te energjise, tha Brace, ka sjelle si pasoje rritjen e vleres se fatures me 30 deri ne 40 perqind para me shume per te njejten sasi energjie te konsumuar.

“Faturat e reja te muajit shkurt, jane edhe me te medha ne vlere parash se ato te janarit. Kjo, ne kushtet e nje kursimi te deklaruar nga pjesa derrmuese e konsumatoreve familjare! Ky fakt, shton dyshimet per grumbullim te kilovateve te energjise se konsumuar ne nentor- dhjetor, neper sahatet mates familjare, per t’u faturuar me cmimin e ri e te shtrenjte ne janar- shkurt. Po i bej thirrje cdo qytetari te verifikoje ne faturat e nentor dhjetorit pikerisht kete”, theksoi Brace.

Per deputetin e Partise Socialiste hetimi i munguar per keto dyshime te renda deshmon edhe njehere per nje shtet aspak funksional sipas tij e aspak ne sherbim te qytetareve. Sipas Braces te kundershtosh vjedhjen e te kerkosh ndershkim per te nuk eshte presion ndaj biznesit prokurorise apo gjykates.

Top Channel