KQZ kallezoi 30 komisionere pas zgjedhjeve

02/03/2010 08:20

Ne kulmin e debatit mes mazhorances dhe opozites per te gjetur fajtorin e zgjedhjeve te 28 qershorit, komisioneret e te gjitha strukturave qe organizuan kete proces, jane vene nen shenjester.

Zyrtarisht, nga Komisioni Qendror i Zgjedhjeve kane perfunduar ne formen e padise apo te kallezimit penal vetem 30 prej tyre, ndersa “armata” e komisionereve demokrate e socialiste shkon ne mijera.

Nga kallezimet apo padite qe Komisioni Qendror i Zgjedhjeve ka bere ne prokurorite e rretheve, vetem padia per komisioneret e Ruzhdies ka marre pergjigje, sa per te tjerat ende asnje lloj veprimi nga organi hetimor.

Kallezimet e KQZ-se perfshijne komisionere te niveleve te ndryshme, qe nisin nga KZAZ-te, KQV-te dhe deri te Grupet e Numerimit te Votave.

Konkretisht KQZ ka bere kallezim penal per qendren e votimit nr.0652 ne ZAZ-ne nr.34 ne Kukes, pasi nje komisioner i PS-se ka marre vulen dhe eshte larguar.

Nje tjeter kallezim penal eshte ai ne Qarkun e Shkodres, pasi eshte nderprere votimi per shkak se komisioneret e majte moren vulen e qendres se votimit nr.0342. Kallezim penal eshte bere edhe ne Fier, ne ZAZ.19, per shkak se komisioneret e majte moren vulen dhe braktisen detyren.

Top Channel