Ditaret sekrete te ish nazistit famekeq, Josef Mengele do dalin ne ankand ne SHBA gjate muajit mars.
Ne keto ditare, ai flet per rezultatet e eksperimenteve cnjerezore ndaj hebrenjve por edhe per disa mendime te tij personale. Vlera fillestare e tyre do te jete 46 mije euro. Ankandi duhej te ishte zhvilluar ne 20 janar, por shtepia “Alexander Autoghraphs” e shtyu per motive te paqarta.
Sipas drejtorit Bill Panagopulos, ky ankand nuk ka aspak per qellim simpatine ndaj Rajhut te Trete, por kerkon te ndikoje sa me shume per t’i treguar botes krimet e kryera, ne menyre qete mos perseriten me. Josef Mengele, i njohur ndryshe edhe me nofken “Engjelli i vdekjes”, eshte nje nga figurat me te trishta te shekullit te kaluar.
Ai ishte mjeku kryesor ne kampin e perqendrimit ne Aushvic dhe drejtues i studimeve te tmerrshme duke perdorur njerezit si kavie ne emer te shkences. Ai analizonte ata qe i quante njerez me “deformime gjenetike”, ne te cilat futeshin disa kategori si, binjaket apo xhuxhet. Pas perfundimit te luftes, ai u arratis ne Ameriken e Jugut ku nderroi jete ne 24 janar te vitit 1979 pa u perballur asnjehere me drejtesine per krimet e kryera.
Top Channel
