Gjykata siguron studiot e TCH
20/01/2010 19:35
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Gjykata e Tiranes ka vendosur sekuestro konservative mbi ambjentet e Top Channel tek ish-ekspozita “Shqiperia Sot”, derisa procesi gjyqesor te perfundoje.
Gjykata e shpjegoi si me poshte kete marrje mase per sigurim padie, apo mos nderhyrje ne objekt deri ne fund te procesit gjyqesor.
“Me pak fjale, ideja eshte e tille qe per 2300 metra katrore qe pala paditese i disponon duke i poseduar konform kontratave, gjykata i sekuestron ato dhe do te mbeten te ngrira deri sa te mbaroje ky gjyq. Kjo do te thote qe palet nuk kane te drejte, kryesisht pala e pronareve, te disponoje te drejten mbi kete prone per sa kohe jemi ne gjyq”, deklaroi gjykatesi Asim Vokshi.
Nderkaq, nje dite pas sulmit ndaj ambjenteve te Top Channel, tek ish-ekspozita “Shqiperia Sot”, prokuroria e Tiranes ka rregjistruar procedimin penal per te hetuar mbi ngjarjen.
Burimet e prokurorise se Tiranes thane per Top Channel se pervec dy shoqerimeve te policise gjate se martes, ajo ka urdheruar edhe shoqerime te tjera te merkuren, por nuk beri te ditur identitetin e tyre.
Akuza qe rendon mbi personat qe sulmuan ambjentet dhe studiot e Top Channel eshte ajo e shkaterrimit te prones, duke rrezikuar ne vazhdimesi jeten e punonjesve te televizionit kombetar Top Channel.
Kjo ngjarje eshte percjelle jo ne komunikaten per mediat, por ne ate operative qe policia e shperndan per informim te krereve te Drejtorise se Pergjithshme te Policise se Shtetit, si edhe per drejtuesit e larte te Ministrise se Brendshme.
Studiot e Top Channel u sulmuan mesditen e se martes. TCH ka depozituar per keto akte vandale padi penale, e cila u pranua nga prokuroria e Tiranes, qe ka nisur edhe hetimet.
Top Channel
