Euro kercenon serish

14/01/2010 16:30

Leku zhvleresohet kundrejt Euros duke arritur vleren me ulet historike qe prej prej janarit te vitit te kaluar kur kriza financiare nderkombetare i eshte afruar kulmit te saj.

Te enjten paradite ne tregun e lire valutor nje euro u ble mesatarisht per 138,9 lek dhe u shit me 139 lek. Por ne banka 1 euo eshte zhvleresuar edhe me shume deri ne 140 lek.

Agjencite e kembimit valutor thone se bankat kane hyre ne treg per te blere euro nderkohe qe prurjet e kesaj monedhe nga emigrantet ne festat e fundvitit nuk kane mundur te perballojne kete goditje zhvleresuese te lekut.

Nje tjeter arsye qe sipas agjencive te kembimit qe ka sjelle zhvleresim te metejshem te Lekut kundrejt Euros eshte edhe kerkesa e larte per kete monedhe nga kompanite e huaja qe operojne ne Shqiperi.

Ato po transferojne fitimet e tyre jashte prane kompanive meme duke bere qe kerkesa per monedhen europiane te enjten te arrije pikun. Kercimi i Euros ne vlera te larta kundrejt lekut eshte nje fenomen i perseritur keto dy vitet e fundit me intensitet te larte, edhe per shkak te krizes e cila duket se nuk eshte kuruar plotesisht.

Ka agjenci kembimesh qe mendojne se nje tjeter aryse qe mund te kete zhvleresuar lekun jane edhe shpenzimet e larta te perqendruara qe po kryen qeveria per te perballuar situaten emergjente ne veriperendim te vendit per shkak te permbytjeve te ketyre 10 diteve te fundit.

Parashikimet e ecurise se kursit te kembimit mbeten teper te pasigurta , thone ekspertet pikerisht per morine e ketyre shkaqeve qe gjithsesi jane momentale.

Zhvleresimi te enjten i lekut eshte nen nivelin me te larte historik qe prej hyrjes ne treg te monedhes europiane, me perjashtim te periudhes janar-shkurt 2003 kur euro kerceu mbi 140 leke.

Top Channel