Nis vleresimi i cilesise se shkollave 9-vjeçare

Drejtori i Drejtorise se Arsimit Parauniversitar ne MASH, Fatmir Vejsiu, shprehet se ne kete ministri eshte ngritur nje grup pune qe po merret posaçerisht me aplikimin e nje vendimi te marre per kete çeshtje. Vleresimi i shkollave 9-vjeçare, sipas tij ka ardhur si nje nevoje e domosdoshme pas ndryshimit te struktures dhe programeve te tyre mesimore.

Drejtori Vejsiu pohon se tashme eshte pergatitur nje meny me kritere, te cilat duhet te permbushen nga shkollat ne menyre qe ato te renditen sa me lart ne klasifikimin e pergjithshem. Me modalitetet e ketij vleresimi do te merren drejtorite arsimore ne rrethe permes inspektoreve te tyre. Per te gjitha shkollat 9-vjeçare do te behet nje vleresim i brendshem dhe nje i jashtem.  

Rezultatet e pergjithshme te nxenesve konsiderohen si nje nder kriteret e rendesishme ne kete vleresim. Po keshtu edhe mesatarja e notave qe merren ne provimet e lirimit. Perveç ketyre kritereve do te vleresohen edhe kushtet qe ofrojne shkollat per sa i perket infrastruktures, ambienteve, laboratoreve dhe pajisjes se tyre.

Nje vend te veçante ne kete vezhgim te detajuar te shkollave 9-vjeçare do te kete edhe perdorimi i uniformave nga nxenesit, si dhe numri i largimeve nga oret e mesimit. Por nuk do te harrohen elemente te rendesishme te mesimdhenies, ku kualifikimi i mesuesve do te zere nje pjese te konsiderueshme ne vleresimin e pergjithshem.

Perfaqesuesit e Ministrise se Arsimit e konsiderojne kete proces si mjaft te vlefshem per çdo familje shqiptare. Kjo per shkak se çdo prind do te kete mundesi qe te permbushe pretendimet e tij per femijet. Nderkohe qe nje klasifikim i tille i shkollave mendohet te rrise edhe garen mes tyre per te arritur rezultate sa me te mira ne mesimdhenie.

Nje proces i tille e ka zanafillen ne nje rekomandim te bere nga ish-ministri i Arsimit, Genc Pollo. Aktualisht, po punohet per pergatitjen e nje vendimi te aplikueshem lehtesisht ne terrenin shqiptar.

Ne listen e shkollave me te mira dhe me te keqija do te jene jo vetem ato publike, por edhe ato private.

Ky proces mendohet te shtrihet me pas edhe ne shkollat e mesme, ne te gjithe vendin. Ai ngjason jo pak me procesin akreditues te universiteteve publike dhe private ne vend, qe gjithashtu do te kryeje edhe nje klasifikim se cilet jane me te miret.

Cilesia e shkollave shqiptare dhe rezultatet e nxenesve jane nder çeshtjet me te polemizuara te arsimit ne vendin tone.  

Top Channel