Thirre, lind biznesi i nxjerrjes nga balta

07/12/2009 08:25

Duket se mbikalimi Thirre-Kalimash po hap nje “biznes” mjaft fitimprures per kamionet e zones, te cilet prej kohesh ankoheshin se nuk kishin pune.

Terreni i veshtire per kalimin e automjeteve mbi tunel gjate diteve te fundit, shpesh te shoqeruar me shi, ka hapur nje front te ri pune per kamionet. Keta te fundit “presin” te nxjerrin nga balta drejtuesit e automjeteve te mbetur ne veshtiresi ose terheqin automjetet e vogla qe nuk mund te ngjiten neper shpatin e malit dhe kete e bejne kundrejt nje shperblimi.

Jane kamione qe kane bartur me heret dru zjarri apo lende inerte, por qe me ndihmen qe ofrojne per kalimin e mbikalimit cilesohen tashme nga shoferet si “kujdestaret e rruges se shkurter”.
Nje 35-vjecar nga Thirra, i cili punonte me kamion tregon se puna me kalimin e mjeteve, nga Thirra deri ne vendin e njohur si

“Truall i Surroit”, ku me pas zbret ne Kalimash, ka nisur ditet e fundit krejt rastesisht. “Ne jemi dy-tre shofere qe punojme ne keto ane dhe mbajme vazhdimisht kavo me vete, sepse na duhet per problemet qe mund te hasim, ose per te ndihmuar njeri-tjetrin.

Por duke pare se gati ne cdo ore na marrin ne telefon: hajde se nje makine ka mbetur ne balte, vendosem te rrime ne rruge dhe te ndihmojme kalimin e mjeteve, por kundrejt nje shperblimi”, thote shoferi duke treguar se kjo cope rruge po kalohet nga qindra furgone dhe autovetura, te cilat nuk jane te pershtatshme per nje rruge te tille. Nje shofer tjeter, banor i po asaj zone shton se nuk i pelqente te shkruhej per mbikalimin, aq me teper per biznesin e tyre “me kavo”.

Top Channel