Berisha pergatit “antimitingun”

Per te treguar se ka nje axhende krejt tjeter nga protestat e opozites, kryeministri Berisha shpalli ne mbledhjen e grupit parlamentar nisjen e pergatitjeve per festimin madheshtor te pervjetorit e 19-te te dites, kur studentet u ngriten kunder  sistemit komunist.

Kjo do te thote se festa e demokrateve, me 8 dhjetor, do te zhvillohet vetem 3 dite pas protestes se ardhshme te opozites.

“8 dhjetori do te jete festa e shembjes se murit te Berlinit ne Tirane, do te jete nje feste e madhe, ku do te marre pjese e gjithe Shqiperia. Feste per Europen, per aspiraten tone europiane, qe me 16 nentor mori firmen e te gjitha vendeve anetare te BE. Festojme me krenari si vend anetar i NATO-s. Ne qe shembem murin e Berlinit, historia na dha mundesi qe te shnderroje ne realitet kete enderr te madhe”, u shpreh Berisha.

Ne mbledhjen e grupit parlamentar kryeministri Berisha foli dhe per miratimin se shpejti te ligjit antimafia, si nje nga kushtet kryesore per heqjen e vizave. Nje prioritet, qe sic tha ai, duke nenkuptuar protestat e opozites, nuk mund te pengohet nga askush.

“Dua te siguroj qyteraret shqiptare se te gjitha perpjekjet per ta bllokuar kete proces perfunduan ne lane. Procesi po shkon ne menyre te shkelqyer”, u shpreh Berisha.

Me festimin e 8 dhjetorit, kryeministri Berisha i dha edhe nje mesazh tjeter indirekt opozites dhe synimit te saj per zgjedhje te parakohshme.

“Ndaj dhe do te jete nje feste e madhe, e cila synon jo vetem nderimin per ate qe eshte bere dhe arritur, por me shume ftese per horizontin e  ri deri me 28 qershor te vitit 2013, ne te cilin shqiptaret do te votojne mesa duket edhe nje here per kete mazhorance”, u shpreh Berisha.

Top Channel