Pakti me Greqine, Rama: Do t’i drejtohemi Kushtetueses

“Do t’i drejtohemi Gjykates Kushtetuese, e cila ne liri te plote dhe me konsultimin e eksperteve shqiptare e te huaj duhet te thote edhe fjalen e fundit”, tha Rama.

Rama tha se opozita e ka ndjekur me vemendje ceshtjen dhe debatin qe ka mberthyer opinionin publik dhe sidomos ate mediatik shqiptar duke pritur analizen e eksperteve te fushes te cilet jane ngarkuar me ceshtjen ne fjale.

Me tej kryetari socialist kerkoi transparence te marreveshjes dhe tha se qendrimi i Partise Socialiste do te jete ne perputhje me interesat kombetare.

“Qysh ne krye te heres kam kerkuar informacion per marreveshjen dhe jam konsultuar me eksperte te mirefillte qe me kane sugjeruar nje qendrim te tille ndaj kesaj marreveshje. Marreveshja eshte transparente ne nje pjese te vogel te saj ndersa pjesa kryesore, qe jane hartat mbetet edhe sot e pa sqaruar. Qendrimi i Partise Socialiste diktohet nga interesat kombetare”, tha Rama.

Per kryetarin socialist qendrimi indiferent i kryeministri dhe ministri te Jashtem, kane qene nje shtyse per t’u shprehur per kete marreveshje.

“Me kete ceshtje po merren nje grup ekspertesh qe une kam ngarkuar prej disa ditesh dhe u takon atyre te japin bazen logjike per te drejten kushtetuese. Kemi te bejme me nje ceshtje jashtezakonisht serioze dhe duhet te jemi te kujdesshem qe te mos biem ne anen tjeter te medaljes pasi behet fjale per nje miqesi dhe nje marredhenie qe duhet pare me respekt”, vijoi ne fjalen e tij Rama.

Numri nje i Selise Roze ne perfundim te fjales se tij tha se retorika nacionaliste nuk sherben per te miren e interesave kombetare dhe se asnjehere nuk mund te ngurohet per te vepruar e aq me pak per te folur per interesat kombetare, nderkohe qe qeveria shqiptare sipas tij asnjehere nuk ka patur vetedijen dhe kurajon per ta zbardhur kete marreveshje.

Top Channel