Protesta, aleatet e vegjel mbeshtesin PS

07/10/2009 15:10

Dy dite para organizimit te protestes se pare pas zgjedhjeve, Partia Socialiste perseriti vendimin per vazhdimin e ketij aksioni politik deri ne plotesimin e kerkesave te saj.

“Ne do te vazhdojme te pershkallezojme protesten tone nepermjet luftes demokratike. Qytetaret do te manifestojne vullnetin ne emer te mbrojtjes se votes se lire”, u shpreh deputetja socialiste, Arta Dade.

Aleatet e socialisteve thane se do te marrin pjese ne proteste. Keshtu Skender Gjinushi, drejtues i Socialdemokrateve deklaroi se nuk mund te lejohet qe e majta te jete ‘pakice’ per shkak te pazareve mes Metes dhe Berishes.

Ndersa kreu i Partise Demokracia Sociale, shprehet se kjo force nuk mbeshtet vetem kerkesat e Partise Socialiste, por kerkon hapjen e kutive te votimit ne ato zona ku mendohet te kete patur abuzime.

Partite e vogla te qendres se djathte thane se i mbeshtetin protestat por nuk do te marrin pjese ne to.

“Ne mbeshtesim numerimin e votave ne kutitet e pahapura, si dhe bojkotin e parlamentit nga opozita. Ne mbeshtesim ne te gjitha menyrat protestat, por drejtuesit e qendres se djathte kete here nuk do te jene mes organizuesve te saj”, thuhet ne reagimin e ketyre partive te vogla.

Top Channel