Klinikat dentare, shume probleme

12/09/2009 20:45

Shume nga klinikat dentare rezultojne jashte kontrollit te strukturave shtetrore. Pervec klinikave te specializuara, ka edhe te tjera qe nuk plotesojne kushtet.

Vetem ne kryeqytet, ku supozohet qe kontrolli te jete me i forte, Urdheri i Mjekut ka konstatuar 20 klinika dentare te palicensuara.

Ndersa ne 60 klinika te tjera, ndonese te licensuara, nuk respektohen as kriteret me minimale. Ne asnjeren prej tyre pacientit nuk i hapet kartele shendetesore.

Problemet ne sherbimin dentar i pranon dhe Shoqata e Stomatologeve, e cila kerkon nderhyrjen e strukturave perkatese.

“Nuk mund t’a mohoj, probleme ka, por nuk funksionon ajo qe eshte ne ligj. Kerkohet nje angazhim me i madh nga organet qeveritare”, deklaron Rozarka Budina.

Nga ana tjeter Budina thekson se komuniteti ne vendin tone mbetet shume mbrapa persa i perket edukates per higjenen e gojes.

“Edukata eshte shume e ulet. Sensibilizoj te gjithe komunitetin qe te angazhohet me shume per shendetin e gojes. Ajo qe kerkojme ne jane programet qe do te futen ne strategjine e shendetit publik”, shton Budina.

Sipas saj, kujdesi per higjenen e gojes eshte shume e rendesishme te nise qe ne moshen 0-3 vjec dhe per kete duhet te informohen nenat e reja te cilat kane informacion te  manget.

Top Channel