Kongresi i PS-se, ne 29 gusht nisin punimet

28/08/2009 19:30

Partia Socialiste mbledh me 29 gusht Kongresin e Jashtezakonshem. Por cfare do te vendose ky kongres dhe cilat jane hapat qe do te shoqerojne kete proces riperteritje ne krye te kesaj force politike?

Kongresi i Jashtezakonshem i Partise Socialiste mblidhet me vendim te Asamblese Kombetare te PS-se, jo me vone se dy muaj nga marrja e vendimit. Delegatet e kongresit zgjidhen nga antaresia e partise e bashkive, komunave sipas parimit “nje antar nje vote”.

Kryetari i partise, anetaret qe kane patur mandate kryetari, mandate presidenti republike, kryeminister, kryetar kuvendi, deputete socialiste, antaret e asamblese, kryetaret e bashkive, komunave, qarqeve, kryetari i FRESH-it, kryetari i forumit te gruas, jane drejteperdrejte delegate. Kongresi i Jashtezakonshem i Partise Socialiste do te mblidhet per te miratuar qendrimin politik per zgjedhjet.

Pika e dyte ne rendin e dites do te jete administrimi i kandidaturave per kryetar te Partise Socialiste, pasi mandat i kreut aktual Edi Rama konsiderohet i nderprere sipas statutit. Ne gare jane zyrtarisht dy kandidate. Kryetari aktual ne detyre Edi Rama qe ka konfirmuar rikandidimin dhe deputeti Arben Malaj. Perfaqesia e kongresit administron kandidaturat per kryetar te Partise Socialiste, shoqeruar me kerkesat per kandidim dhe platformat per drejtimin e partise te paraqitura prej tyre.

Kandidatet per kryetar te PS-se duhet te kene te pakten nje mandat perfaqesimi politik si te zgjedhur ne asamblene kombetare te partise. Kandidatet per kryetar paraqesin ne kongres platformat e tyre. Kongresi vendos daten e zhvillimit te votimit nga anetaresia e partise ne shkalle vendi per zgjedhjen e kryetarit te PSSH-se, sipas parimit “nje antar nje vote” , jo me vone se dy muaj nga data e zhvillimit te kongresit.

Top Channel