Pavaresisht humbjes se te martes ne mbremje kunder Celsit te Londres, 3-1 ne fushen e vet, mesfushori i ri i Sanderlendit, shqiptari Lorik Cana, eshte shprehur me nota pozitive per fillimin e sezonit te ri me “Macet e Zeza”. Pas dy ndeshjeve te para, 26-vjecari ka bere edhe nje rezyme te aventures se tij ne Premier Lige.
Cana eshte i kenaqur per menyren efektive te kombinimit me shokun e mesfushes, Katermol, ne kete dyjavesh te pare te Premier League. “Une mendoj se po merrem vesh shume mire me Li ne mesfushe, tha shqiptari. Ai eshte lojtar i llojit tim, eshte gjithmone energjik dhe jep 100%. Ne do te vazhdojme te punojme per te permiresuar partneritetin tone dhe te shikojme nese do te koordinohemi mire edhe me pjesen tjeter te skuadres. Por pas ketyre dy ndeshjeve jam mjaft i kenaqur me menyren se si kane shkuar gjerat”.
“Dy ndeshjet e para kane qene krejtesisht te ndryshme, u shpreh Cana, pasi jemi perballur me dy stile te ndryshme te futbollit. Ndeshja ndaj Boltonit ishte e veshtire, por mund te them se ishte nje ndeshje tipike britanike. Ishte pikerisht ajo cfare une prisja perpara se te vija ne Angli. Ndersa ndeshja ndaj Celsit ishte krejtesisht ndryshe, pasi kishim te benim me nje nga skuadrat me te forta ne Europe dhe pse jo dhe ne bote. Ne shpenzuam shume energji ne pjesen e pare ndaj Celsit dhe me pas ishim te pafuqishem per ta ruajtur rezultatin. Pasi ata barazuan, ishte shume e veshtire qe t’u rezistonim”.
Mesfushori shqiptar nuk ka nguruar madje as te flase si lider i skuadres, duke u shprehur se ne te ardhmen ekipi duhet t’u kushtoje me shume rendesi edhe detajeve te vogla, sepse perballe skuadrave te medha jane ato qe bejne diferencen. Por Loriku mendon gjithashtu se ne skuader jane disa lojtare te rinj, nga te cilet nuk mund te pritet maksimumi qe ne takimet e para.
“Mendoj se disa gjera duhet t’i bejme me shume kujdes dhe te kemi me shume fantazi, vazhdoi ai. Duhet te kujtojme gjithmone se disa detaje te vogla perballe skuadrave te medha behen edhe me te rendesishme. Ne ndeshjet e ardhshme une mendoj se skuadra do te jape gjithcka nga repertori i saj, por nuk duhet te harrojme se jane shume lojtare te rinj nga te cilet nuk mund te kerkohet maksimumi qe ne ndeshjet e para”.
Cana eshte zgjedhur gjithashtu “Ylli” i Sanderlendit per ndeshjen e humbur 1-3 ndaj Celsit. Ky eshte perfundimi i nje sondazhi te bere me tifozet e “Maceve te Zeza” ne faqen “safc.com” me tifozet e Sanderlendit. Sipas tyre, Cana eshte “Star Man”, pasi ka impresionuar me performancen e tij ne kete sfide, prandaj ai ka marre 41% te votave.
Top Channel
