BE, shtyhet shqyrtimi i aplikimit

27/07/2009 19:40

Bashkimi Europian pranoi sot ne Bruksel aplikimin e Islandes per anetaresim, ndersa zvarritja e procesit zgjedhor ka bere qe shqyrtimi i aplikimit te Shqiperise te shtyhet.

Keshilli i ministrave te Jashtem europiane i kerkoi Komisionit qe te pergatise opinionin mbi aplikimin e Islandes per statusin kandidat.

Vendi nordik aplikoi 4 dite me pare, ndersa Shqiperia paraqiti kerkesen e saj per statusin kandidat 3 muaj me pare.

“Une shpresoj qe te ecim perpara me te gjitha ceshtjet per zgjerimin qe kemi ne tavoline. Per Islanden nuk kemi te bejme me rruge me te shpejte, por me nje rruge me te shkurter pasi ata jane tashme pjese e tregut unik dhe e zones Schengen. Ne do t’i hedhim hapat nje nga nje. Sic e dini kemi dhe aplikimin e Shqiperise, me te cilin nuk kemi mberritur ende aty ku duhet”, ka deklaruar ministri i Jashtem suedez, Carl Bilt.

Ne deklaraten perfundimtare ministrat e Jashtem europiane shprehen se BE do t’i kthehet shqyrtimit te aplikimit per anetaresim te Shqiperise, pasi te kete perfunduar procesi i zgjedhjeve ne vend.

“I nisem gjithashtu mesazh te qarte Shqiperise se aplikimi i saj do te shqyrtohet sapo te jete kompletuar procesi zgjedhor ne ate vend dhe ne sot mirepritem serish perspektiven europiane te Ballkanit perendimor”, ka deklaruar Cecilia Malmstrom, ministrja suedeze per Ceshtjet Europiane.

Islanda parashikohet te shenoje anetaresimin me te shpejte ne historikun e zgjerimit te BE-se. Opinioni i Komisionit pritet te mbyllet brenda ketij viti dhe ne fillim te 2010 mendohet celja e negociatave per anetaresim.

Sipas presidences suedeze te BE-se, Islanda jo vetem i ka plotesuar kriteret ekonomike e politike te Kopenhagenit, por dhe i ka tejkaluar ato.

Negociatat per anetaresimin e Islandes do te fokusohen ne politikat e peshkimit, i vetmi problem qe paraqet ky vend nordik ndaj disa shteteve europiane per shkak te konkurrences.

Top Channel