Celularet, 9 persona ne ndjekje penale
20/07/2009 09:00
Pelikani rikthehet në Prespë! U zhduk para dy vitesh për shkak të epidemisë së gripit të shpendëve
27/05 16:07
Lufta e policise per tregun e zi te celulareve duket se nuk ka perfunduar ende, pasi edhe nente persona te tjere jane derguar per ndjekje penale, nderkohe qe jane sekuestruar nje sere materialesh te tjera.
Burimet policore te kryeqytetit shpjeguan se operacioni “Black Market 2” ka vijuar edhe gjate dites se djeshme. Ne kuader te ketij operacioni, i realizuar nga sektori kunder krimit ekonomik ne Drejtorine e Policise se Qarkut Tirane, u mundesua sekuestrimi i nje sasie tjeter te konsiderueshme aksesoresh te ndryshem, si edhe u derguan per ndjekje penale nente tregtare te tjere, te cilet po tregtonin ne afersi te Postes Shqiptare ne menyre te kunderligjshme, pa licence per ushtrimin e ketij aktiviteti.
Sipas policise, Pellumb Gjata, 57 vjec e Albend Xhelili, 46 vjec, rreth ores 11.30, u kapen te Posta Qendrore, duke tregtuar mallra kontrabande. Atyre iu bllokuan 40 karikues, shtate pale kufje, 28 unaza sermi, 4 varese dhe 20 mije leke. Nderkaq, filloi procedimi penal ne gjendje te lire per Lavdim Balen, 33 vjec e Bledar Shytin, 28 vjec, sepse ne oren 12.00, po te Posta Qendrore, u kapen duke tregtuar 18 celulare dhe 1 karikues.
Ndersa Astrit Sadikaj e Bilbil Braha, nga 33 vjec, u kapen duke tregtuar 228 celulare dhe 65 karikues. Gjithashtu, per ndjekje penale u derguan edhe Fitor e Fluturim Adialaj, perkatesisht 39 dhe 32 vjec dhe Bruno Toska, 48 vjec, te cilet u kapen me 13 celulare, 101 karikues, 73 numra AMC dhe 8 pale kufje. Policia tha se operacioni do te vijoje edhe ne ditet e tjera, ku do te ashpersohen masat e arrestit nese do te kete raste perseritjeje.
Top Channel
