Duhani, 3800 vdekje ne vit

Nje projekt i financuar nga shoqata amerikane e kancerit, ku jane pyetur 4000 persona ne zona rurale dhe urbane te moshave te ndryshme rezulton se konsumi i duhanit eshte me i larte sesa ajo qe deklarohet pasi rreth 27 % e duhanit futet kontrabande ne vendin tone, duke iu shmangur te gjitha detyrimeve fiskale dhe duke rritur riskun per shqiptaret.

“Kjo sjell konsumin total te cigareve ne Shqiperi tek niveli i 5900 toneshit ne vit. 3800 vdekje te parakohshme kane si shkak duhanin, shifer qe krahasohet me vdekjet e parakohshme te viktimave te aksidenteve”, deklaron drejtori i IPS Albania, Eduard Zaloshnja.

Demi i duhanit eshte i larte edhe per ata persona qe nuk e pijne ate, por qendrojne ne ambiente ku konsumohet.

Zaloshnja tregon se nese nje person qe nuk konsumon duhan ulet ne nje bar apo ambient tjeter ku gjashte persona te tjere pijne cigare, atehere tymi qe ai thith perllogaritet nje cigare e plote. Ligji i duhanit ne lokale dhe bare ka deshtuar plotesisht.

“Ka njefare renie te pirjes se duhanit ne zyrat shteterore, ne institucionet shendetesore dhe shkolla. Nese ligji do zbatohej me rigorozitet, atehere do te shpetoheshin 130 persona ne vit”, shton Zaloshnja. Projekti i financuar nga shoqata amerikane deshmon se meshkujt konsumojne me shume duhan se femrat, por numri i ketyre te fundit ka tendence rritjeje.

Top Channel