Topi ne Kroaci, flet edhe per liberalizimin e vizave
21/05/2009 14:55
Megaoperacioni/ I shpallur në kërkim nga SPAK, arrestohet në Itali 49-vjeçari (EMRI) 22/05 13:50
Me pare se nga vendet e Bashkimit Europian, liberalizimi i vizave mund te vije nga Kroacia, nje vend kandidat qe po negocion anetaresimin ne BE.
Sipas presidentit kroat Stjepan Mesic, i cili po pret ne nje vizite zyrtare Presidentin e Shqiperise Bamir Topi, koha ka ardhur qe qeveria kroate ta ndermarre kete hap, sidomos po te mbahet parasysh se Shqiperia i ka liberalizuar vizat per qytetaret kroate qe ne vitin 2002.
Ne marredheniet mes dy vendeve, qe konsiderohen shume te mira, ndikon padyshim edhe anetaresimi i njekohshem i te dy vendeve ne NATO.
“Zhvilluam bisedimet me Presidentin Topi dhe anetaret e delegacionit te Republikes se Shqiperise, dhe mund te them qe kemi biseduar hapur, si miq dhe si udheheqes te vendeve mes te cileve nuk ka asnje nje çeshtje te pazgjidhur. Besoj qe atmosfera gjate gjithe vizites se Presidentit te Shqiperise ishte shume e mire, gje qe flet per nivelin shume te mire te marredhenieve tona dypaleshe. Nen kete atmosfere po zhvillohet edhe vizita e Presidentit te Shqiperise”, u shpreh Mesic.
Kurse presidenti Topi u shpreh se me homologun Mesic ka diskutuar per ceshtjen e liberalizimit te vizave mes dy vendeve.
“Padyshim qe ka qene nje predispozicion konstant i Presidentit Mesic per nevojen e liberalizimit te vizave. Te dy rame dakord qe ka ardhur koha per ta realizuar kete gje konkretisht”, u shpreh Topi.
Garanci per liberalizimin e vizave Presidenti ka marre edhe nga kryetari i parlamentit Luka Bebiç, i cili vleresoi dialogun dhe bashkepunimin nderparlamentar. Presidenti shoqerohet nga perfaqesues te larte te sistemit te drejtesise dhe nje grup biznesmenesh.
Grupet e biznesit shqiptar dhe kroat organizuan nje forum ekonomik ku moren pjese te dy Presidentet. Presidenti Topi i shprehu homologut Mesic interesimin e pales shqiptare per me teper investime kroate ne sektore strategjike per zhvillimin e ekonomise shqiptare, perfshi ketu dhe fushen e energjitikes, po pa specifikuar konkretisht ndonje projekt.
Kohe me pare, gjate nje vizite zyrtare ne Zagreb, kryeministri kishte folur per nje central te perbashket berthamor ne Shkoder, projekt te cilin mohuar me pas.
Pikerisht per kontributin qe Presidenti Topi ka luajtur ne zhvillimin e marredhenieve mes dy vendeve, qe homologu Mesic e cilesoi te jashtezakonshem, ai i e dekoroi Presidenti shqiptar me “Urdherin e Larte te Mbretit Tomislav me Brez” dhe “Yllin e Madh te Agimit”, qe eshte edhe urdhri me i larte shteteror i Republikes se Kroacise.
Top Channel
