Listat, konsultimet e partive i afrohen fundit

19/05/2009 19:15

Pas pak perfundon afati zyrtar i dorezimit te listave per deputete. Deri ne oren 20 maksimumi partite duhet te dorezojne regjistrin me 140 emra, te cilet do te garojne kunder njeri-tjetrit ne qarqe, ne 28 qershor.

Por ndersa thuajse te gjitha forcat e tjera politike i kane dorezuar listat e kandidateve, perfshire edhe LSI-ne, dy partite e medha, PD dhe PS duket se kane pritur deri ne castet e fundit per te publikuar emrat e kandidateve te tyre.

Temperatura eshte e larte kryesisht ne selite e partive kryesore. Partia Socialiste, e cila ne listen e 28 qershorit duhet te jape provat e para te politikes se re te kryetarit Rama, pritet te kete surpriza te forta.

Pervec atyre qe tashme jane shpallur kunder kryetarit te ri, si gjashteshja e zgjedhjes se presidentit, tashme mund te thuhet se eshte zyrtare mbetja jashte liste e ish-kryeministrit dhe ish-kryetarit te Partise Socialiste Fatos Nano.

Duket se kane mbetur jashte edhe deputetet Elmaz Sherifi, Stefan Cipa, Flamur Hoxha, Besnik Dervishi, Rajmonda Stefa, Pilo Kerri. Nderkohe qe lista nuk eshte mbyllur akoma dhe ne keto momente po diskutohet fati i Ylli Bufit dhe i Ndricim Hysit.

Gjate paradites, ne seline e Partise Socialiste jane pare te vijne kandidate te ndryshem qe kane firmosur pranimin e tyre ne listen e PS. Ne minute te fundit duket se Bashkim Fino, ish-kryeminister, ka gjetur gjuhen e perbashket me kryetarin Rama, duke siguruar keshtu nje vend ne listen e kandidateve per deputet ne listen e Fierit.

Edhe Partia Demokratike pertej euforise se fushates, eshte mbyllur ne 24 oret e fundit para shpalljes se listave. Me te rrezikuarit jane te ashtuquajturit anetare te grupimit presidencial, apo te pakices bllokuese, sic e pati quajtur vete zoti Berisha kohe me pare.

Keshtu pritet te jene jashte listave Sali Shehu dhe Aleksander Biberaj, nderkohe qe ne dyshim jane Bujar Leskaj dhe Pal Dajci, si dhe nje grup deputetesh te cilesuar anonime.

Deri para pak castesh ne seline e PD eshte zhvilluar mbledhja e kryesise. Burime nga kryesia pohuan paraprakisht per Top Channel se pritet nje debat jo i lehte, pasi disa prej te perjashtuarve nga lista, se paku pese, jane edhe anetare kryesie.

Nder me te spikaturit jane Omer Stringa dhe Aleksander Biberaj. Gazetarja jone qe po ndiqte mbledhjen nga jashte konfirmoi se te dy keta politikane kane mberritur per te marre pjese ne mbledhje.

Top Channel