Berisha-vezhguesve: Hartimi i listave, me sukses

17/03/2009 16:10

Delegacioni monitorues i ODIHR eshte perballur ne diten e pare te misionit te tij ne Tirane, me nje panorame te ndryshme qe qeveria dhe opozita kane dhene per zgjedhjet.

Duke i vleresuar zgjedhjet e 28 qershorit jetike per standartet demokratike, kryeministri Berisha deklaroi se javen e ardhshme do te dergoje prane ODIHR-it, ftesen zyrtare per monitorim sa me te gjere te zgjedhjeve.

Pasi ka bere nje ekspoze te pergatitjeve te infrastruktuares zgjedhore, kryeministri Berisha, sic thuhet ne njoftimin zyrtar vleresoi se pajisja per here te pare e shtetasve me leternjoftime elektronike, modernizimi i sherbimit te gjendjes civile dhe sistemit te adresave, permiresojne rrenjesisht standartet e zgjedhjeve.

Sipas njoftimit zyrtar, kryeministri vuri ne dukje se procesi aktual i hartimit te listave vazhdon me sukses dhe pa ankesa, ne dallim te forte me te shkuaren kur listat e zgjedhesve, dhe jo alternativat politike, perbenin objekt polemikash. Ne njoftimin e qeverise nuk ka informacion per procesin e pajisjes se shtetasve me leternjoftime.

Top Channel