Presidenti i Republikes, Bamir Topi ka pritur ne Pallatin e Brigadave homologun e tij slloven, Danilo Turk, i cili ndodhet per nje vizite dy ditore ne vendin tone.
Gjate fjales se tij, kreu i shtetit shqiptar vleresoi rendesine e kesaj vizite, duke falenderuar presidentin Turk dhe popullin slloven per mbeshtetjen ndaj rruges integruese te Shqiperise, duke vene theksin tek nenshkrimi i dekretit per ratifikimin e Protokollit te anetaresimit te Shqiperise ne NATO.
“Jemi krenare qe Shqiperia eshte pjese e NATO-s, anetaresimi i se ciles do te konsakrohet ne samitin e ardhshem. E informova presidentin per reformat dhe per sfidat qe kemi perpara, qe jane zgjedhjet politike. Ne kete drejtim u miratua ne kohe ligji per zgjedhjet dhe po punohet per infrastrukturen zgjedhore. Zhvillimi i zgjedhjeve sipas standarteve, do te nxirrnin Shqiperine nga tranzicioni. Zgjedhjet duhet te jene te lira dhe demokratike”, deklaroi Topi para mediave.
Nderkohe, homologu slloven ne fjalen e tij ka vleresuar kete vizite, duke theksuar se ky eshte nje moment kur te dyja vendet synojne t’i cojne marredheniet ne nivele me te larta. “Kjo eshte nje vizite e cila synon nxitjen e partneritetit dhe ka shume fusha ne te cilat partneriteti yne shprehet. Sllovenia ka qene gjithmone pro integrimit te Shqiperise ne NATO dhe BE. Ne i urojme Shqiperise suksese ne aplikimin per statusin e kandidatit”, nenvizoi presidenti slloven, i cili shtoi se ka nenshkruar protokollin e ratifikimit per anetaresimin ne NATO. Ne vijim, ai foli edhe per ceshtjen e Kosoves, duke shprehur kenaqesine per gjendjen e qendrueshme, duke vene theksin ne ndertimin e institucioneve demokratike.
Presidenti Topi iu pergjigj edhe nje pyetjeje per ceshtjen e ligjit te Lustracionit, duke thene se vendimi i marre per ta kaluar ne heshtje ka qene i menduar mire.
Top Channel