Buxheti i Tiranes, debat edhe ne kuvend

Kryetari i deputeteve demokrate, Astrit Patozi, deklaroi se votimi ne Keshill ishte stalinist, ndersa theksoi se vota e qytetareve, nuk kerkohet as me joshje dhe as me dhune.

Kurse kryetarja e grupit kuvendor socialist, Valentina Leskaj, u pergjigj duke thene se buxheti i bashkise, nuk eshte i keshilltareve, po i qytetareve te Tiranes, ndersa terhoqi vemendjen per sjelljen e padenje te zevendesministrit te Brendshem, Ferdinand Pone, i cili ne keshillin bashkiak, eshte drejtues i keshilltareve demokrate.

“Sot prisnim falje per sjelljen e padenje dhe kercenimet, qe zevendesministri i Brendshem beri ndaj kreut te bashkise”, u shpreh Leskaj.

Pas ketij reagimi ka nderhyre edhe kryetarja e kuvendit, Jozefina Topalli, e cila e konsideroi si te paprecedente, menyren e votimit te buxhetit, ndersa siguroi kryetarin socialist Edi Rama, se nese do te jete ne kuvend ne legjislaturen e ardhshme, do te shohe se si do te votohet buxheti i peste i PD-se, duke shprehur nga ana e saj sigurine se mandati i ardhshem i drejtimit te bashkise, do te jete per kampin blu.

Top Channel