Zhvleresohet Leku, Euro dhe Dollari drejt majave

29/01/2009 15:35

Leku eshte zhvleresuar ndjeshem te enjten ndaj dy monedhave kryesore Euros dhe Dollarit.

Kambistet thane se luhatjet e kesaj dite ishin mjaft te shpeshta. Kursi i kembimit ka qene i paekulibruar deri ne mesdite, derisa kapi vleren me te larte te ketyre viteve te fundit.

Zhvleresimi i Lekut ka nisur qe prej fillimit te ketij vitit duke u dobesuar ne menyre konstante ndaj Euros dhe Dollarit. Por vlera e arritur sot te Lekut ndaj Euros ka qene nder te rrallat, qe prej futjes se kesaj monedhe ne qarkullim.

Atehere Euro eshte kuotuar me mbi 130 leke dhe me pas pak here ka kapur vleren mbi 125. Bankieret mendojne se kjo lidhet me nje sere shkaqesh. Disa thone se dobesimi i Lekut ndaj Euros lidhet me mungesen e kesaj valute ne treg, si pasoje e renies se dergesave te emigranteve nderkohe qe edhe kerkesa per Euro e Dollare ne tregun e brendshem vazhdon te mbetet e larte.

Te tjere bankiere thone se luhatjet e dites se sotme jane shkaktuar pjeserisht edhe nga vendimi i Bankes Qendrore per te ulur normen baze te interesit te Lekut me 0.5 pike perqindje.

Zhvleresimi i Lekut ndaj Euros dhe Dollarit do te rrise per qytetaret kostot e kredive ne keto dy monedha. Te dhenat tregojne se kredia ne valute perben 75 per qind te totalit. Ndaj zhvleresimi i Lekut keto rrethana prek nje numer te larte kredimarresish, pasi per te shlyer kestet e mujore ata duhet te fillojne te paguajne me shume leke.

Top Channel