FSHV mohon përfshirjen në trukime

Nëpërmjet një komunikate për shtyp, drejtuesit e FSHV-së kanë mohuar përfshirjen e skuadrës kombëtare të volejbollit në çështjen e trukimit të ndeshjeve. Në komunikatën e saj, FSHV-ja theksoi se të gjithë në kombëtare u impenjuan në maksimum, me synim realizimin e ëndrrës për të qenë në finalet e Ligës së Europës dhe se askush nuk e mendoi manipulimin e rezultateve.

Kjo Federatë shkoi edhe më tej kur theksoi se as nuk e dinte që ndeshjet e kombëtares ishin të kuotuara në baste, duke kërkuar më pas që të mos hidhen akuza të pabaza ndaj saj dhe përfaqësueses.

Në fund, Federata Shqiptare e Volejbollit theksoi se është e hapur ndaj çdo hetimi nga Federbet-i apo çdo lloj institucioni tjetër hetimor shqiptar apo ndërkombëtar dhe është gati të japë ndihmën e saj për të sqaruar këtë histori.

Top Channel