Beograd, vijojnë protestat pas fitores së Vuçiçit

“Vuçiç, ke vjedhur zgjedhjet” dhe “Fund diktaturës” ishin disa prej sloganeve që thërristen turma e mbledhur përpara Parlamentit. Numri i pjesëmarrësve erdhi duke u shtuar, ndërsa protesta zhvendosej në drejtim të qendrës së qytetit.

Manifestuesit e konsiderojnë Vuçiçin autokrat, ndërsa partinë e tij progresiste si të korruptuar.

“Ne mbështesim kërkesat e ligjshme të studentëve që kërkojnë shpërbërjen e Komisionit Zgjedhor, rregullatorit mediatik shtetëror, shkarkimin e kryetares së Parlamentit dhe të kryeredaktorit të Televizionit shtetëror RTS, për raportimin e padrejtë gjatë fushatës zgjedhore”, tha një student.

Ndërkohë, në intervistën e tij të parë që prej fitores në zgjedhjet e 2 prillit, Aleksandar Vuçiç u zotua të thellonte lidhjet tregtare me shtetet e tjera ballkanike.

Siç tha për median “Politico”, kjo ishte mënyra e vetme për të tejkaluar paqëndrueshmërinë rajonale. Presidenti i zgjedhur u shpreh veçanërisht entuziast për projektet e infrastrukturës që do të lidhin Beogradin me Sarajevën dhe Prishtinën.

Top Channel