Londër, për herë të parë një grua në krye të Scotland Yard
22/02/2017 00:00
Sulmi ndaj selisë së OKB-së në Jerusalem, BE: Izraeli duhet të garantonte sigurinë, autorët të mbajnë përgjegjësi 10/05 14:27
Për herë të parë në histori, në krye të agjencisë policore londineze, Scotland Yard, është zgjedhur një grua.
Bëhet fjalë për Cressida Dick, 56 vjeç, që zëvendëson në këtë detyrë “sir” Bernard Hogan Howe, që ndodhet në prag të pensionit.
Dick ka mbajtur postin e shefes së seksionit të Antiterrorit në policinë metropolitane deri në vitin 2014, kur u zgjodh për një detyrë pranë Ministrisë së Jashtme.
Dick, e diplomuar në Oksford, u gjend në qendër të kritikave në korrik të vitit 2005, kur një grup nën urdhërat e saj vrau një emigrant brazilian të dyshuar si terrorist në metronë e Londrës.
Por kjo nuk e ndaloi oficeren të vazhdonte karrierën dhe sot ajo është shprehur entuziaste që do të kthehet të punojë sërish “me burrat dhe gratë e mrekullueshme të policisë”.
Top Channel
