Të shtëna në Napoli, plagosen 4 persona. Mes tyre një 10-vjeçare
04/01/2017 00:00
Një sulm izraelit në Rafah do të shkaktonte “katastrofë” në Lindjen e Mesme 26/04 17:04
Një fëmijë 10-vjeçar ka mbetur i plagosur aksidentalisht në këmbë, nga një e shtënë arme zjarri të dëgjuar në rrugën “Annunziata” të lagjes “Forcella”, në qendrën historike të Napolit. Veç të miturës janë plagosur edhe 3 shtetas ekstrakomunitarë.
Dinamika e ngjarjes mbetet ende mister, sikurse edhe fakti se kush ka qëlluar me armë. Megjithatë, policia ka nisur hetimet, ndërkohë që e vogla është dërguar menjëherë në Spitalin “Santobono”.
Ngjarja ka ndodhur në tregun e “Maddalena”-s, aty ku më së shumti ka një prani tregtarësh me ngjyrë, duke i shtyrë hetuesit të ngrenë hipotezën se emigrantët mund të kenë qenë objektivi i agresorit që ka qëlluar.
“Forcella” është një lagje e shquar, fatkeqësisht, për vrasjen e 14-vjeçares Annalisa Durante në vitin 2004. Në vitin 2014 ka shërbyer edhe si qendra e veprimeve kriminale të grupit mafioz “Camorra”, ndërsa më 31 dhjetor të vitit 2015 është vrarë 27-vjeçari Maikol Giuseppe Russo.
Top Channel
