Zyrtarë grekë kanë bërë të ditur se një gjykatë vendase ka refuzuar të ekstradojë 3 të parët, mes 8 ushtarakëve turq, të cilët u arratisën nga vendi i tyre dhe u ulën në territorin grek, pas përpjekjes së dështuar për grusht shteti të 15 korrikut.
Ushtarakët, të 8 pjesë e një ekuipazhi të helikopterit që u ul në tokën helene, mohojnë akuzat e pjesëmarrjes në grusht shteti, apo në komplotin për të vrarë presidentin turk, Recep Tayyip Erdogan.
Vendimi i së hënës nga këshilli i gjykatësve të apelit të Athinës shqyrtuan argumentet e ofruara nga një prokuror grek, sipas të cilave jetët e pilotëve dhe mekanikëve të fluturimit do të rrezikoheshin nëse kthehen në Turqi.
Tre ushtarakët e parë pritet që të dalin nga paraburgimi në ditët në vijim. Avokatja e tyre, Stavroula Tomara tha se gjykata do të vendosë brenda 3 ditëve të ardhshme edhe për ekstradimin e 5 ushtarakëve të tjerë.
Të 8 ata u ulën në Greqi me një helikopter ushtarak turk më 16 korrik, pas asaj mesnate trazirash që prekën kryesisht Stambollin, por edhe Ankaranë.
Top Channel