Një motoçiklist mund ta ketë pandehur veten me shumë fat për dy sekonda, pasi shpëtoi mrekullisht nga përplasja me makinë që mund t’i kishte marrë jetën, por nuk e priste që goditja e dytë t’i vinte nga shtylla.
Aksidenti i çuditshëm është filmuar nga një kamera siguri në Ceara të Brazilit.
Gjithçka nis kur drejtuesi i motorit, 21-vjeçari Daniel Joventino Rumao, përplaset e rrëzohet nga një makinë.
Në pamje shfaqet momenti kur makina i pret rrugën motorit dhe bën që Danieli bashkë me motorrin e tij të rrëshqasin për disa metra.
Por ndërsa 21-vjeçari mundohet të ngrihet në këmbë motori i tij godet një shtyllë e cila rrëzohet dhe i bie në kokë atij.
Fatmirësisht nga të dyja këto goditje 21-vjeçari nuk pati dëmtime që mund t’i vinin në rrezik jetën.
Top Channel