Fustani i Monroe shitet për 4.8 mln dollarë
19/11/2016 00:00
Droni zjarrvënës që lëshon napalm 30m larg, tashmë mund të blihet në rrjet nga kushdo (fotot)
25/04 21:50
Fustani i famshëm që Marilyn Monroe veshi teksa i këndonte presidentit amerikan, John F.Kennedy për 45-vjetorin e tij të lindjes, është shitur në ankand me një çmim prej 4.8 mln dollarë.
Fustani ngjyrë mishi i stolisur me 2500 kristale pritej të shitej për 2-3 mln dollarë në qendrën e ankandeve ‘Julien’, në Beverly Hills.
Fustani u ble nga “Ripley’s Believe It or Not”, një perandori mediatike amerikane e specializuar në artikuj të çuditshme dhe historikisht të rëndësishme, e cila zotëron një zinxhir muzesh, duke përfshirë edhe një në Hollywood.
Fustani ishte aq i ngushtë, sa aktorja legjendare nuk veshi fare të brendshme dhe iu desh ta qepte të veshur në trupin e saj pak minuta përpara se të hipte në skenën e “Madison Square Garden”, më 1962 për t’i kënduar këngën e ditëlindjes presidentit amerikan.
Top Channel
